Sogn eAvis – Abonnement- og kjøpsvilkår
Vilkåra gjeld for både privat- og bedriftskundar. Transaksjonen vert gjort med:
Sogn Avis, Riverdalen 5, 6863 Leikanger
Føretaksreg: NO 916069812
E-post: abonnement@sognavis.no
www.sognavis.no
Prisar
Sjå inngangssida til Sogn eAvis for gjeldande prisar, http://eavis.sognavis.no/
Alle prisar er inkl. mva og ekskl. brukarane sine kostnader knytta til internettilgang/telefonforbindelsar og liknande.
Betaling
For kjøp av tilgang til ei enkeltutgåve av Sogn eAvis, kan både SMS og betalingskort nyttast. For andre kjøp skal kort (Visa og Mastercard) nyttast for betaling.
Sogn eAvis nyttar Payex som betalingsløysing. Payex støttar "Verified by Visa" standarden. Les meir om Payex på www.payex.no. Betalingssidene er sikra med EV SSL-sertifikat. Les meir på www.commfides.no. Det betyr at du som kunde har ekstra tryggleik ved betaling på www.sognavis.no.
Brukarane vil på Sogn eAvis ha oppdatert informasjon om kor lenge det er att av betalt periode. Brukaren har sjølv ansvar for fornying av abonnementet.
Dersom innbetaling ikkje skjer, kan Sogn Avis straks stenga tilgangen. Abonnement på Sogn eAvis kan ikke settast på ”standby” (mellombels stopp), overflyttast til ein annan person eller stoppast i ein abonnementsperiode.
Abonnement på e-avisa gir tilgang til dei elektroniske avisene i den den tidsavgrensa perioden abonnementet er aktivt. Når abonnementet ikkje er aktivt, har ein heller ikkje tilgang til arkivet.
Levering
Sogn eAvis er internettversjonen av papiravisa Sogn Avis og vert levert som ein rett kopi av den trykte versjonen i den grad det er mogeleg. Enkelte sider kan unntaksvis avvika frå den trykte versjonen. Innstikk og temabilag vert ikkje gjort tilgjengelige gjennom Sogn eAvis.
Levering, dvs tilgang, skjer så snart innbetalinga er registrert. Sogn Avis gjer alt me kan for at eAvisa skal vera levert kl. 07.00 norsk tid. Det vert teke atterhald om eventuelle serverbrot eller andre tekniske forhold som kan utsetja leveringstidspunktet.
Dersom levering vert hindra av langvarige tekniske problem, streikar, lockout eller force majeure som varar meir enn to dagar, vert dette erstatta med tilsvarande forlenging av abonnementet. Dersom årsaka til manglande tilgang er knytt til brukarane sin eigen internettilgang eller problem med brukarane sitt datautstyr/software, vert dette ikkje erstatta av Sogn Avis.
Oppseiing
Abonnementet vert stogga automatisk ved utgangen av ein abonnementsperiode.
Sikkerheit/brukartilgang
Me oppmodar om at du som brukar oppbevarar e-postar frå oss. Det gjeld spesielt den første e-posten med brukarregistreringane dine, samt den som vert sendt som kvittering for kjøp av tilgang. Her finn du ditt brukarnamn og passord, samt referansenummer. Desse opplysningane er det nødvendig å ha tilgjengelig om du tek kontakt med Sogn Avis, ved spørsmål knytt til abonnementet ditt på Sogn eAvis.
Tilgang til/abonnement på Sogn eAvis er personleg. Derfor må du ikkje gje brukarnamn og passord til andre enn personar i din eigen husstand. Bedrifter som kjøper tilgang må ikkje la fleire tilsette dela brukarnamn og passord, utan nærare løyve frå Sogn Avis. Det kan berre vera ein brukar pålogga samtidig.
Dersom brukarnamn/passord eller tilgangen til Sogn eAvis vert misbrukt på nokon måte, har Sogn Avis rett til å stenga tilgangen til Sogn eAvis umiddelbart.
Ved eventuelt misbruk vert det ikkje gjeve refusjon for den resterande forskotsbetalte perioden.
Kopiering med meir
Artiklar, foto, grafikk og anna publisert materiale på www.sognavis.no og Sogn eAvis vert stilt til rådvelde for vising/lesing på dei vilkår som er angjeve her. Vidarepublisering av slikt innhald er ikkje tillate, utan uttrykkeleg avtale og kjeldetilvising, jfr. åndsverkslova paragraf 1-2.
Privatpersonar kan skriva ut enkeltkopiar/utskrifter til eige bruk. Dette gjeld ikkje for bedrifter, offentlige myndigheiter eller andre juridiske personar, utan nærare løyve og kjeldetilvising.
Det er ikkje tillate å ta digital kopi av fotografi utan løyve frå opphavsmann (fotograf) og Sogn Avis, jfr. åndsverkslova paragraf 43 a, utan etter uttrykkeleg avtale og kjeldetilvising.
Dersom det er tvil om kva du kan kopiera og korleis, kontakt Sogn Avis på telefon 57656000 eller på e-post: abonnement@sognavis.no.
Retningslinjer for handsaming av personopplysninger
Desse retningslinjene beskriv kva type informasjon Sogn Avis samler inn og korleis den vert handsama.
Kva slags opplysningar?
Generelt ber Sogn Avis berre om personlege og brukarrelaterte opplysningar når du opprettar brukartilgang eller kjøper abonnement til Sogn eAvis. Personlege opplysningar avgrensar seg primært til epost-adresse, namn, postnummer, kjønn og alder, men kan og innehalda andre opplysningar som interesser, internettkjennskap etc.
Dei personopplysningane du oppgjer ved bruk av www.sognavis.no og Sogn eAvis, vert utelukkande nytta internt i Sogn Avis for å oppnå større kjennskap til brukarane våre og i det kontinuerlege arbeidet for å forbetra produkta våre. Sogn Avis vil ikkje under noko omstende gje eller vidareselja informasjonen til ein tredjepart utan di godkjenning.
Endring av retningslinjer
På grunn av den raske utviklinga av teknologien og endring av rammevilkår for internettbruk, tek Sogn Avis seg retten til å endra retningslinjene i dette dokumentet. Dersom det skulle inntreffa, rettar me datoen for ”sist oppdatert” nedst i dokumentet. Dersom endringane er vesentlege gjer Sogn Avis deg melding med ei kunngjering på ein godt synleg stad på www.sognavis.no eller på inngangssida til Sogn eAvis.
Har du kommentarar eller spørsmål til retningslinjene våre, kan du kontakta Sogn Avis på abonnement@sognavis.no eller telefon 57656000.
Oppdatert 30. desember 2009